عزوبي ومتزوج - عيسى
صول لا سي سي سي دو سي دو سي سي سي
وانا جيتهم من عرض عربان فزاعه
وهذا يعيَر ذا، والناس ملتمين
وحنا بلغنا حول خمسين فراعه
يقول العزوبي: من تزوج غدا مسكين
وهذا الرجل متحمل الكدر وأنواعه
وحنا لنا هيبه والأزواج خدامين
وكم مرة (ن) جيته وورعه على ذراعه
ترى زوجته تزمر ولا يعرف الا زين
ومسكين دايم عنده السمع والطاعه
ولا غابت ام الطفل يا مال فرقا العين
يزيَن فراشه ثم يعطيه رضاعه
والا من بغى يطلع من البيت قالت: له وين
لزوم (ن) يعلمها بشغله ومرجاعه
وقال المزوج للعزوبي بمنطق شين
صحيح ان لك في اليوم غتره ودراعه
سلاطين في الشارع وفي البيت طباخين
ولا جاء يزيَن عيشته، وسخ القاعه
ولا يسكنوا بالشارع اللي به الحلوين
وكأنه حرامي منه الناس مرتاعه
ولا من دخل للسوق، منه الناس متوذين
ولا شاف زول (ن) ناظره بيَن الساعه
ولو كان له لحية ويمشي مع أهل الدين
عزوبي عزوبي، ما علينا من الطاعه
تعليقات
إرسال تعليق